Mamlaka ya Serikali Mtandao

Uadilifu na Ubunifu kwa Utoaji Huduma Bora kwa Umma

TAASISI YENYE VIWANGO VYA ISO 9001: 2015

Kuhusu Sisi

Tunafanya Nini Sisi ni nani Wateja Wetu Kutoka kwa Mkurugenzi Mkuu Bodi ya Wakurugenzi

Mamlaka ya Serikali Mtandao ni taasisi ya umma iliyoundwa kwa Sheria ya Serikali Mtandao Na. 10 ya mwaka 2019 ili kuratibu, kusimamia na kukuza jitihada za Serikali Mtandao na kuhimiza utekelezaji wa Sera, Sheria, Kanuni, Viwango na Miongozo ya Serikali Mtandao kwa taasisi za umma.
Mifumo na Huduma

Mifumo na Huduma

Huduma zetu zimesanifiwa na kutengenezwa na watalamu wetu kwa lengo la kuandaa mazingira wezeshi kwa taasisi za umma ili kutumia miundombinu na mifumo shirikishi ya pamoja kwa utoaji huduma bora kwa umma.
Huduma Mtandao

Serikali kwa Serikali Serikali na Wananchi Serikali na Wanafunzi Serikali na Watumishi Serikali na Biashara

Serikali imeboresha na inaendelea kuboresha miundombinu na mifumo ya TEHAMA ili kurahisisha utoaji wa huduma kwa njia ya mtandao kwa umma kwa uwazi na kwa gharama nafuu.
Kituo cha Habari

Habari Hotuba Taarifa kwa Umma Maktaba ya Video Maktaba ya Picha Makala Matangazo Kutoka Magazetini

Sehemu hii inakupa Hotuba, Taarifa kwa umma, Maktaba ya Video na Picha, Habari, Kutoka Magazetini na Makala, Video na Picha za Matukio mbalimbali.
Ununuzi

Taarifa ya Matarajio ya Ununuzi

e-GA inanunua huduma au bidhaa zenye ubora, kwa wakati na kwa gharama nafuu ili kukidhi mahitaji yake kwa kuzingatia Sheria ya ununuzi Na.7 ya mwaka 2011 na Kanuni zake za mwaka 2013
Machapisho

Machapisho

Menyu hii imesheheni machapisho ya Sera, Sheria, Mpango Mkakati, Kanuni, Mkataba kwa Mteja, Fomu, Majarida na Ripoti mbalimbali.
Miongozo na Viwango

Miongozo na Viwango

Miongozo na Viwango vya Serikali Mtandao vimetayarishwa na kuwekwa hadharani kwa lengo la kusaidia taasisi za umma na wadau wengine kutoa huduma za serikali mtandao zinazoaminika na kwa gharama nafuu zaidi.
Kikao Kazi

Kikao Kazi

Kikao Kazi cha Serikali Mtandao kinalenga kuonesha jitihada mbalimbali za Serikali Mtandao zilizofanyika, zinazoendelea na zilizopangwa kufanyika ndani ya Serikali na kubainisha changamoto na fursa zilizopo na kuzitafutia ufumbuzi.
Mafunzo

Mafunzo

e-GA inatoa mafunzo mbalimbali ya kuwajengea uwezo Maofisa TEHAMA na watumishi wengine wa Umma ili kurahisisha utekelezaji wa jitihada za Serikali Mtandao nchini Tanzania.
Blog

Blog

Blogu hii imetengenezwa ili kueleza huduma na matukio mbalimbali ya Serikali Mtandao
Wasiliana Nasi
Mrejesho
Maswali Yaulizwayo Mara kwa Mara
Dark Mode
English
Kiswahili

eGA, TCRA Kuendeleza Ushirikiano katika TEHAMA

Sep 03, 2022

Mamlaka ya Serikali Mtandao (eGA) na Mamlaka ya Mawasiliano Tanzania (TCRA) zimeahidi kuendeleza ushirikiano katika masuala ya utafiti na ubunifu katika Teknolojia ya Habari na Mawasiliano (TEHAMA) kwa vijana wanaosoma fani hiyo ili kuwa na wataalamu wa ndani waliobobea katika TEHAMA.

Hayo, yamesemwa Agosti 26, 2022 wakati Wajumbe wa Bodi na Menejimenti ya TCRA ilipofanya ziara katika Kituo cha Utafiti, Ubunifu na Uendelezaji wa Serikali Mtandao (eGovRIDC) kilichopo Ndaki ya Sayansi ya Kompyuta, Habari na Mawasiliano - Chuo Kikuu cha Dodoma kuangalia shughuli mbalimbali za utafiti na ubunifu zinazofanyika katika kituo hicho.

Mwenyekiti wa Bodi-TCRA Dkt. Jones Killimbe alisema kuwa, kwa muda mrefu TCRA imekuwa ikishirikiana na eGA katika uendeshaji wa kituo hicho ili kuchochea matumizi ya TEHAMA hapa nchini. Aidha, lengo la TCRA ni kuhakikisha wananchi hasa vijana wanatumia TEHAMA ili kuleta mageuzi ya kimaendeleo katika utoaji wa huduma kwa umma.

“Ninaipongeza Mamlaka ya Serikali Mtandao kwa kuwaweka vijana hawa pamoja na kuwapatia vitendea kazi na zaidi kuwaweka kambini pamoja ili waweze kujikita zaidi katika utafiti na ubinifu wa mifumo ya TEHAMA yenye tija kwa taifa, jambo hili sisi kama bodi ya TCRA tutawaunga mkono zaidi kwa manufaa ya Taifa kwa jumla”. Alisisitiza Dkt. Killimbe.

Alisema kupitia kituo hicho, eGA imefanikiwa kwa kiasi kikubwa kuongeza idadi ya watu wenye uelewa wa matumizi ya TEHAMA wakatakaosaidia kujenga uchumi wa kidijitali hapa nchini. Hivyo, aliahidi kuwa TCRA ipo tayari kuendeleza ushirikiano huo ili kufanikisha jitihada za Utafiti na Ubunifu.

Naye Mkurugenzi Mkuu wa Mamlaka ya Serikali Mtandao Eng. Benedict Ndomba ameishukuru TCRA kwa ushirikiano mkubwa inaotoa katika kufanikisha adhma ya Serikali ya kukuza matumizi ya TEHAMA nchini.

Aidha, Eng. Ndomba alisema kuwa, kwa muda mrefu TCRA imekuwa ikisaidia kituo hicho kwa rasilimali fedha zilizowezesha kuweka mazingira mazuri ya kufanya utafiti na ubunifu wa mifumo ya TEHAMA mathalani Mfumo wa e-Mrejesho, Mfumo wa e-Mikutano, Mfumo wa e-Dodoso na Mfumo wa e-Board ambayo ni muhimu sana Serikalini.

Aidha, Eng. Ndomba alifafanua kuwa, kituo hicho kina wanafunzi 73 na Mamlaka imepanga kuongeza uwezo wa kituo ili kiweze kuchukuwa wanafunzi 300 hadi 500 kwa wakati mmoja ili kuchochea Ubunifu na Utafiti katika utekelezaji wa jitihada za Serikali Mtandao.

Mamlaka ya Serikali Mtandao ilianzisha Kituo cha Utafiti, Ubunifu na Uendelezaji wa Serikali Mtandao (e-GovRIDC) mwaka 2019 kwa lengo kuwa nakuwaweka pamoja vijana wanaosoma fani ya TEHAMA ili waweze kufanya utafiti na ubunifu wa mifumo ya TEHAMA yenye uwezo wa kuboresha utoaji wa huduma kwa umma.