Mamlaka ya Serikali Mtandao

Uadilifu na Ubunifu kwa Utoaji Huduma Bora kwa Umma

Kuhusu Sisi

Tunafanya Nini Sisi ni nani Wateja Wetu Kutoka kwa Mkurugenzi Mkuu Bodi ya Wakurugenzi

Mamlaka ya Serikali Mtandao ni taasisi ya umma iliyoundwa kwa Sheria ya Serikali Mtandao Na. 10 ya mwaka 2019 ili kuratibu, kusimamia na kukuza jitihada za Serikali Mtandao na kuhimiza utekelezaji wa Sera, Sheria, Kanuni, Viwango na Miongozo ya Serikali Mtandao kwa taasisi za umma.
Mifumo na Huduma

Mifumo na Huduma

Huduma zetu zimesanifiwa na kutengenezwa na watalamu wetu kwa lengo la kuandaa mazingira wezeshi kwa taasisi za umma ili kutumia miundombinu na mifumo shirikishi ya pamoja kwa utoaji huduma bora kwa umma.
Huduma Mtandao

Serikali kwa Serikali Serikali na Wananchi Serikali na Wanafunzi Serikali na Watumishi Serikali na Biashara

Serikali imeboresha na inaendelea kuboresha miundombinu na mifumo ya TEHAMA ili kurahisisha utoaji wa huduma kwa njia ya mtandao kwa umma kwa uwazi na kwa gharama nafuu.
Kituo cha Habari

Habari Hotuba Taarifa kwa Umma Maktaba ya Video Maktaba ya Picha Makala Matangazo Kutoka Magazetini

Sehemu hii inakupa Hotuba, Taarifa kwa umma, Maktaba ya Video na Picha, Habari, Kutoka Magazetini na Makala, Video na Picha za Matukio mbalimbali.
Ununuzi

Taarifa ya Matarajio ya Ununuzi

e-GA inanunua huduma au bidhaa zenye ubora, kwa wakati na kwa gharama nafuu ili kukidhi mahitaji yake kwa kuzingatia Sheria ya ununuzi Na.7 ya mwaka 2011 na Kanuni zake za mwaka 2013
Machapisho

Machapisho

Menyu hii imesheheni machapisho ya Sera, Sheria, Mpango Mkakati, Kanuni, Mkataba kwa Mteja, Fomu, Majarida na Ripoti mbalimbali.
Miongozo na Viwango

Miongozo na Viwango

Miongozo na Viwango vya Serikali Mtandao vimetayarishwa na kuwekwa hadharani kwa lengo la kusaidia taasisi za umma na wadau wengine kutoa huduma za serikali mtandao zinazoaminika na kwa gharama nafuu zaidi.
Kikao Kazi

Kikao Kazi

Kikao Kazi cha Serikali Mtandao kinalenga kuonesha jitihada mbalimbali za Serikali Mtandao zilizofanyika, zinazoendelea na zilizopangwa kufanyika ndani ya Serikali na kubainisha changamoto na fursa zilizopo na kuzitafutia ufumbuzi.
Mafunzo

Mafunzo

e-GA inatoa mafunzo mbalimbali ya kuwajengea uwezo Maofisa TEHAMA na watumishi wengine wa Umma ili kurahisisha utekelezaji wa jitihada za Serikali Mtandao nchini Tanzania.
Blog

Blog

Blogu hii imetengenezwa ili kueleza huduma na matukio mbalimbali ya Serikali Mtandao
Wasiliana Nasi
Mrejesho
Maswali Yaulizwayo Mara kwa Mara
Dark Mode
English
Kiswahili

MFUMO IMARA WA UKAGUZI CHACHU YA MABADILIKO KATIKA UTENDAJI KAZI

Sep 15, 2023

Utekelezaji wa Jitihada za Serikali Mtandao unategemea uwepo wa mfumo imara wa ukaguzi utakaoboresha na kuongeza ufanisi wa utendaji kazi katika kaguzi mbalimbali zinazofanywa na wakaguzi ndani na nje ya Taasisi za Umma.

Mfumo mpya wa ukaguzi ujulikanao kama e-Ukaguzi ni mfumo unaosaidia na kuimarisha utendaji kazi wa kaguzi za ndani za Taasisi za Umma ikiwemo kuandaa mpango kazi wa mwaka, kufanya ufuatiliaji wa hoja mbalimbali za kikaguzi ndani na nje ya Taasisi pamoja na kufanya uchambuzi wa vihatarishi vikubwa katika maeneo yote ya Taasisi yanayokaguliwa.

Mfumo huu jumuishi ni matokeo ya ubunifu uliofanywa na wazawa kutoka Mamlaka ya Serikali Mtandao katika kuhakikisha kuwa matumizi ya TEHAMA Serikalini yanaimairishwa na huduma mbalimbali zitolewazo kwa Wananchi zinaboreshwa.

Meneja wa Kituo cha Utafiti na Ubunifu na Uendelezaji wa Serikali Mtandao (eGovRIDC) Mamlaka ya Serikali Mtandao Bw. Jaha Mvulla amesema kuwa lengo la kuanzishwa kwa mfumo huu lilikuwa ni kurahisisha utendaji kazi kwa wakaguzi wa ndani, kupunguza matumizi ya karatasi, kuongeza ufanisi na kutunza muda wa kufanya kaguzi mbalimbali.

Aidha, Bw. Jaha amesema kuwa mfumo huu unaruhusu wakaguzi wa ndani kupanga, kutekeleza na kufuatilia matokeo ya kaguzi, unachakata na kurahisisha upatikanaji wa ripoti mbalimbali kama za mwaka, mwezi, n.k.

Pia Bw. Jaha amesema mfumo huu umewapa uwezo Wakuu wa Idara kujibu kila hoja zitokanazo na kaguzi zote zinazohusu Idara zao.

“Mfumo unatoa nafasi kwa Wakaguzi wa Ndani kuweka na kufanya ufuatiliaji wa utekelezaji wa hoja za kaguzi za nje ya Taasisi kama zile za CAG, PPRA, OSHA, BOT na nyinginezo zinazohusu utendaji wa Taasisi hizo” Alisema Bw. Jaha

Bw Jaha ameongezea kuwa Mamlaka ya Serikali Mtandao ilisanifu mfumo huu kutokana na uhitaji mkubwawa kutaka kuboresha na kuongeza ufanisi wa kazi mbalimbali za kaguzi za Taasisi za Umma wakati wa kuandaa mpango kazi ili kuhakikisha kuwa kaguzi zote zinazofanyika zinakuwa na tija kwa Taasisi.

Bw. Jaha ametoa wito kwa Taasisi za Umma na Halmashauri mbalimbali nchini kutumia mfumo huu mpya wa ukaguzi katika utekelezaji wa kaguzi mbalimbali na ufuatiliaji wa hoja zinazotokana na kaguzi hizo ndani na nje ya Taasisi zao.

Itakumbukwa kuwa hivi karibuni Mamlaka ya Serikali Mtandao ilitoa mafunzo maalum ya ukaguzi wa Mifumo na Miradi ya TEHAMA kwa Wakaguzi wa Ndani wa Halmashauri na Tawala za Mikoa 13 za Tanzania Bara walioshiriki katika mafunzo ya siku tano mkoani Morogoro.

Mafunzo hayo yalilenga kuwawezesha na kuwajengea uwezo Wakaguzi wa Ndani kukagua Mifumo na Miradi ya TEHAMA ili kutekeleza majukumu yao kwa ufanisi na kuisaidia Serikali kuona thamani halisi ya fedha ilizowekeza katika miradi na mifumo ya TEHAMA.