Mfumo huu unatoa fursa kwa taasisi za Umma kufikisha huduma zake kwa njia ya arafa kwa wananchi wote.

Arafa Kutoka Taasisi Kwenda kwa Mwanchi

Mfumo unawezesha huduma za arafa kutoka taasisi za Umma kwenda kwa wananchi na kutoka kwa wananchi kwenda kwa taasisi za Umma.

Taasisi ya Umma inaweza kutuma kwa haraka (arafa) kwa mtu mmoja, kundi au jalada, inauwezo wa kupanga arafa kwa ajili ya kutuma baadae, inamwezesha mtumiaji kuwa na akaunti nyingi ndogo na kuunganishwa kwa urahisi katika mifumo ya taarifa ya taasisi. Pia huwawezesha wananchi kuomba taarifa kutoka taasisi za Umma.

Arafa Kutoka kwa Mwananchi Kwenda kwa Taasisi

Huduma hii inawezesha wananchi kuomba taarifa kutoka kwenye mifumo mbalimbali ya taasisi za Umma.

Teknolojia ya namba za arafa inatumiwa na aina zote za simu ikiwemo simu za kawaida na simu smati, mtumiaji hahitaji kuunganishwa na intaneti, inampa mtumiaji uwezo mkubwa wa kupata huduma mbalimbali na kuifanya huma hii kuwa rahisi kutumiwa.

Zingatia:

Taasisi ya Umma haina budi kugawiwa Msimbo mfupi na eGA, halafu kuendelea na kuomba CHETI CHA UMILIKI WA NAMBA kutoka Mamlaka ya Mawasiliano (TCRA) kabla ya kutoa huduma iliyokusudiwa.

e-Wallet ni mfumo wa USSD unaomuwezesha mwananchi kulipia huduma mbalimbali za kiserikali kupitia wallet akaunti ya mtandao wake (Mf. Vodacom -MPESA, Tigo -TigoPesa, Airtel- AirtelMoney n.k).

Mfumo huu umetengenezwa mahususi kwa ajili ya kuwa njia ya ziada ya ulipiaji wa huduma mbalimbali za kiserikali na kuongeza mapato kwa Serikali.

Malipo ya e-Wallet huingia moja kwa moja kwa taasisi bila ya kugawana na mitandao ya simu tofauti na huduma za malipo kama vile MT na PULL sms ambayo malipo yake hugawanywa baina ya taasisi na mtandao wa simu husika.

Kwa sasa huduma hii inapatikana kwa mitandao ya Vodacom (MPESA) na Tigo (Tigo Pesa) peke yake na inatumika na Mamlaka ya Vitambulisho vya Taifa (NIDA).